Azpikolako Harrobia berreskuratzearen alde Andoainen

Azpikola: Belkoaingo magalean kokatua dagoen harrobi zaharra eta Azpikola

baserriaren kokalekua, Telegrafos-etako Dorrea, “gaztelua” bezala ezagutuagoa, eta N1aren artean

2011-2-24an egindako batzarrean, PP eta PSEren aldeko eta EB, talde mixtoa eta

PNVren aurkako bozkekin, Andoaingo Plan Orokorra onartu zen. Eta 2010-3-14an

onarturiko Plan Orokorrarekin alderatuta, aldaketa nabarmenak izan ditu. Azpikolako

harrobiari dagokionez, harrobi berri bat irekitzeko aukera zabaldu da eta bertan

140.000 m2-ko poligono industrial bat kokatzeko aukera dago.

Ez dugu Udalaren bat-bateko jarrera aldaketa hau ulertzen, dagoeneko Andoaingo

ingurunearen egoera muturrekoa izanik, jarrera honek egoera larriagotu besterik ez

baitu egingo, ditugun zein etorkizunean eraikiko dituzten azpiegiturengatik:

Buruntzako bi harrobiak, Buruntzako autobia berria, eraikitzeko dagoen Sorabillako

gerrikoa, poligono industrial berria eta AHTaren trazatuak. Erabaki honen
bultzatzaileen aburuz, AHTak Azpikolako harriaren beharra justifikatzen du, nahiz eta

orain arteko AHTren eraikuntza proiektu batean ere honelakorik ez aipatu.

Nekazal lurraren etengabeko galera baten aurrean aurkitzen gara, honek Andoaingo

ingurunearen degradazioa dakarrelarik.

Lege subsidiarioen arabera, Azpikola, ingurune ez eraikigarri moduan sailkatuta

geratu zen, Babes eta berreskuratze kalifikazioarekin; eta lurpeko akuiferoen eta

basogintzarako garrantzi handiko ingurunea izendatu zuten.

Andoaingo udalak eskatuta, EKOS--Estudios Ambientales S.L.U enpresak

ingurunearen azterketa egin zuen, eta bertan, babestuta dauden hainbat espezie

topatu zituzten, hala nola, bertan bizi diren Belatz handi bikote bat. Hauetaz gain,

babes zorrotza ere duten, Eskulapioren sugea, Harkaitz zozo urdina, Lepitzulia eta

Zata arruntak ere aurkitu zituzten.

Azpikola berreskuratzearen beharra dakusagu. Hala nola, herritarren interesak

arriskuan jartzen dituzten garapenezko proiektu hauek geldiarazi behar ditugu, gutxi

batzuen interes ekonomikoak soilik bilatzen baitituzte eta bizi kalitatearen,

degradazioarekin zuzenki lotuak dauden ingurumenaren txikizioa eta gure

inguruarekin lotzen gaituzten ohituren galera suposatzen baitute.

AZPIKOLA BERRESKURATU!